قالك واحد المتل: خاذها بفرَانْكْ وبغاها تولد ليه قايدْ
المغزى من هد المتال كايعني بزاف ديال لمعاني لي دايرا هنا عندنا في الجامعة المغربية ديال الكرة وحتى جميع الرياضات كل واحد فيهم كيدير لي بغا هليِ بغا مدرب فشكل وها لي بغا يربح كأس إفريقيا بلا بطولة كاينة بحالنا بحال الناس ,ونزيدكم واحد المتل كيقول: اللي ما قدرت تكون نجمة في السما تكون شمعة في الدار وأرى غي نبداو والباقي يجي من بعد ـ مشي بهال هداك للي قال :اللي ضرو راسو ما كيحزم صبعو،و حماري مريض من رجله أعطاه الطبيب دواء لرأسه, الناس هدي 10 سنوات وحنا باغيين نضموا كأس العالم وماكانضمو والو,هدشي ماشي مشكل كولشي عندنا ولكن راه لو كان تشوف بقوة بزاف ديال العلاما مابقا يبانا والو ,ونزيدك عندنا ناس كيموتو علا البلاد فين مامشاو رافعين الراية بحال الحاج العرجون لي كيشهد ليه العالم ولكن ميمكنش الحكم يبقا بحدو كيحارب من جميع الجوانب ها الجمهور ديال الأهلي من جهة والمشاكل ديال الحكام من جهة أخرى والضغوطات من جهة أخرى ,الحكم أعتزل ولا واحد هز التيليفون وقالو حتى كيراك ,لكن: فولة وحدة  ما تدير بيصارا،وهدي وحدى عاوتني قاليك المغرب ماعندو حضارة ناري واش هاد الناس كيعرفو شنو هوا المغرب التاريخ ديالو وشنو دوزات هد البلاد ههههههه,ولكن نعرفوهوم بأحسن بلاد كاين على وجه البسيطة ,وباش نبداولهم بالقرن 11 قبل الميلاد فاش كانو الفينيقين كانو كايجيو للتجارة في بلادنا ولا في القرن 6 قبل الميلاد فاش كانو القرطاجيين كايجيو حتا هما للتجارة وزيد وزيد حتى وصلنا لعهد ملكنا العزيز لي ربي يحفضو لينا ويخليه لينا براكا آمين ياربي .
وما نساوش بأن المغاربة تباركالله عليهم فاش ماجيتهم تلقاهم فأي مجال تلقاه حاضر ناضر واجد سبع صنايع والرزق ضايع،,هد هي الصفة اللي معندش الآخرين ,وكايغيرو منا :ـ حرنا في اللي حبونا أما اللي كرهونا داروا فينا خير، ههههههه,وهدي واحد النصيحة خوتي ليكم وخا أنا عارف كاين الزايد معانا لكن ميهمش غي المغربي لي يعرف يصرفها والنصيحة هي :ـ لا تشري حتى تقلب ولا تصاحب حتى تجرب, إوا هادشي لي كاين فهاد الساعة وتهلاو الخوت وديما مغربي وعاش الملك وعاشت الصحرى ديما مغربية .

وخاصنا نكونو مضامنين يد فيد :امدح صاحبك مع الناس ولومه الراس فالراس، يالله بسلامة عليكم والمعنى راه باين لا تسول بزاف قول :رخيصة موتة الفار بتهريس الخابية.

والسلام